 |
| Pidato Bahasa Makassar |
Assamualaikumwarahmatullahi wabarakatu
Sukkuru’ na kimammuji mange ri karaeng Allahu subhanahu wa taalah sabak nasareki buku magassing ati maciknong na kisibuntulukmo anne ri tampaka, siagang salawat tamattappuk mange rinabbita Muhammad sallallahu alaihi wassallam.
Bapak ibu guru,
Agang-agangku iya niaka hadere,
Ri anne kesempatanga la kupabattuangki sikontu panngukrangi iyareka pidato iyami ante kamma bateta na kimassing termotivasi iyareka sumangakki appilajarak, mudah-mudahan nisareki manfaat ri anne la kupabattuangki.
Agang-agangku ngaseng, motivasi belajar iyami antu ansrongoki iyareka ampaka sumangakki untuk appilajarak, apakah nipassa paki kinampa appilajarak? Iyareka la ujiang paki nampa appilajarak? Niakpa PR battu ri gurunta nampa appilajarak?
Massing kicobami kipnaknak, kutaknangmi lalang atingta “apa Motivasi Belajar kalian?”, punna niakpa PR, Ujian, atau napassa paki tau toata kinampa appilajarak, iyami anne harusu nipakasingarak.
Punna kammaji anjo Motivasita Appilajarak, na punna tenamo PR, tenamo Ujian, tenamo tutoayya?, attantu tena tongmo ki appilajarak siagang malasak maki.
Punna niak cita-cita lalang rikalengta angkanayya poro sallang anjaria tau hebak siagang carakdek, iyami anne akkullei anjari Motivasi ilalanna tallasatta.
Niak motivasita nasabak erokki angkayaoi cita-citata, tantu akkareso paki appilajarak.
Ki ukrangi, teyaki lanrei, kipnaknaki lalang atingta anjo motivasita, punna aklombei sumangatta, ukrangi kipakajarrek, ukrangi cita-citata, ukrangi tau toata na sabak iya ampasikolaki.
Kibanggakangi tau toata, sikolanta, mae ngasengki nakilamungi pakmaik bajika lalang ria atinta, poro akkulle tarrusukki sumangak.
Narapikmi wattua, iyaji anjo akkulle kupakasingarak.
Dasi na dasi kipammopporang mamak punna niak sala-sala bateku akkana.
Wassalamualaikumwarahmatullahi wabarakatuh.
Tidak ada komentar:
Posting Komentar